Unicode
 ဘာကြောင့် အထီးကျန်ခံစားရကြသလဲ။ အရိုးရှင်းဆုံးအဖြေက တစ်ဦးတည်း အဖော်မဲ့နေသလို ခံစားရမှုမှာ ထွက်ပေါက်ရှာမတွေ့ ဖြစ်နေလို့ အထီးကျန်တယ်ဆိုပြီး ဖြစ်နေကြတာပါ။ အဲဒီအချိန်မှာ အဖော် အရမ်းလိုအပ်လာတယ်။ ဖြေသိမ့်ပေးမယ့်သူကို တောင့်တတယ်။ အနားရှိစေချင်သူတွေကို တမ်းတတယ်။ စိတ်ပျော်ရာ ပျော်ကြောင်းတွေ လျှောက်လုပ်ကြတယ်။ ဒီအထီးကျန်ခံစားမှုကို ခဏပဲဖြစ်ဖြစ် ၊ လုံးဝပျောက်သွားအောင်ပဲဖြစ်ဖြစ် ကြိုးစားမေ့ဖျောက်တတ်ကြတယ်။

 တကယ်လို့များ တစ်ဦးတည်း ဖြစ်နေသလိုလို ၊ ဘက်ပဲ့နေသလိုလို ခံစားရချိန်မှာ ကိုယ့်အတွက် စိတ်ဝင်စားစရာကောင်းမယ့် တခုခုကိုများ အစားထိုးလုပ်ကိုင်နေလိုက်မယ်ဆို ငါအထီးကျန်နေတယ်လို့ တွေးဖို့ အချိန်မရတော့ဘူး။ ငါဘယ်လိုအထီးကျန်ခံစားပြီး ဝမ်းနည်းနေရတယ်လို့ မခံစားဖြစ်ခဲ့ရင် အထီးကျန်တယ်ဆိုတဲ့ စကားလုံးဟာ ကိုယ့်အတွက်ဖြစ်မလာတော့ဘူး။ ဘယ်သူမှလည်း ကိုယ့်အနားမရှိ ၊ ဘာမှလည်း လုပ်စရာမရှိဘူးဆိုပြီး ပျင်းရိနေတာ ၊ အထီးကျန်ခံစားနေတာမျိုးတွေ မဖြစ်တော့ဘူး။

 ကျွန်မရဲ့ (၅)နှစ်သမီးလေးက ကျောင်းကအပြန်တနေ့မှာ နှစ်ယောက်တတွဲ တွဲရတဲ့ ကျောင်းဆင်းချိန်မှာ သူ့ကိုတွဲမယ့်သူမရှိဘူး။ သူသိပ်အထီးကျန်ခံစားရတယ်လို့ ပြောလာခဲ့တယ်။ ဒီလိုအဖြစ်မျိုး နှစ်ကြိမ်ကနေ သုံးကြိမ်လောက်ဖြစ်လာတော့ သူ့ကိုနားလည်အောင် ပြောပြဖို့ အချိန်တန်ပြီလို့ ကျွန်မဆုံးဖြတ်လိုက်တယ်။

 ကျွန်မ လသားလေးအရွယ်မရောက်တရောက်မှာ အဆုတ်ထဲရေဝင်လို့ဆိုပြီး အတော်ကုခဲ့ရတယ်လို့ မိသားစုဝင်တွေက ပြောကြတယ်။ အဲဒီကုသမှု အကင်းသေလား ၊ မသေလား ကျွန်မလည်း ဆေးလောကသားမဟုတ်တော့ နားမလည်ဘူး။ ဒါပေမယ့် ကျွန်မဟာ အသက်(၁၀)နှစ်လောက်အထိ အမြဲလို တရှောင်ရှောင်ဖျားနာနေတာ အနွေးထည် ကင်းကင်းလွတ်တဲ့ရက်ဆိုတာရှားတယ်။ ချောင်းမဆိုးတဲ့ရက်ဆိုတာလည်းရှားတယ်။ နှာမစီးတဲ့ရက်ဆိုတာလည်းရှားတယ်။ နွေခေါင်ခေါင် ဖျားတာယူမလား ။ မိုးအေးလို့ဖျားတာယူမလား ။ ဆောင်းတွင်းမို့ဖျားတာယူမလား။ လေစိမ်းတိုက်လို့ဖျားတာယူမလား ။

 အိမ်မှာနေလည်းဖျား ၊ ခရီးထွက်လည်းဖျား ၊ တံတားပေါ်က မြစ်တွေချောင်းတွေဖြတ်လည်းဖျား ၊ ပင်လယ်လေခံလည်းဖျား ၊ အပူအအေး မမျှလည်းဖျား ၊ နာက်ဆုံး ရာသီဥတုအပြောင်းအလဲ မိုးလေဝသမကြည့်နဲ့ ကျွန်မသာကြည့်လို့ လူကြီးတွေ နောက်ကြတဲ့အထိ ကျန်းမာရေးမကောင်းတဲ့ ခန္ဓာကိုယ်က အမြဲလိုလို ဖျားနာနေတော့တာပဲ။ ခြင်ကိုက်တာကနေအစ ကိုယ်လက်ဖူးယောင်တာအဆုံး ဘာဖြစ်ဖြစ် ဖျားဖို့ ၊ အိပ်ရာထဲလဲဖို့ပဲ တာဆူနေခဲ့တဲ့ကျွန်မ တခါဖျားရင် အနည်းဆုံးတပတ် နလန်မထူပြန်ဘူး။

 ဒီလို လူမမာကလေးဘဝမှာ အဖျားတွေနဲ့ပဲ အဖော်ပြုခဲ့ရတော့ သူငယ်ချင်းတွေနဲ့ ပြေးလွှားကစားရတာမျိုးရှားတယ်။ လူကအဖျားရှိန် နဲ့ ကိုယ်ခံးအားနည်းလို့ ၊ နှလုံးအားနည်းပြီး အမောမခံနိုင်လို့ စတာတွေနဲ့ ကစားတိုင်း ကိုယ်က ပစားပေးအဆင့်ပဲဝင်ရတယ်။

 မပြေးနိုင်တဲ့ကိုယ့်ကို ဘယ်သူမှ လိုက်ဖမ်းမယ့်သူလည်းမရှိ ၊ ကိုယ်လိုက်ဖမ်းလှည့်ဆိုပြန်ရင်လည်း သူငယ်ချင်းတွေလောက် မပြေးနိုင်တဲ့ကိုယ်ဟာ ဘယ်သူ့မှ ဖမ်းမမိဘဲ ကစားပွဲဟာ ပျော်စရာမကောင်းတာကြောင့် သူငယ်ချင်းတွေက ကိုယ့်ကို ပြေးချင်ပြေး ၊ မပြေးချင်နေဆိုပြီး ပစားပေးထားခဲ့တာ။ ဒီတာ့ ကိုယ်ဝင်ကစားခွင့်ရသည့်တိုင် ကစားပွဲတိုင်းမှာ လိုက်ဖမ်းမယ့်သူမရှိတဲ့ကိုယ်ဟာ သူတို့ကသပ်သပ် ကိုယ်သပ်သပ်လို ခံစားနေရပြီး ဘေးကနေပဲ တခြားသူတွေကစားတာ ထိုင်ကြည့်ဖြစ်တော့တယ်။

 နေမကောင်းတိုင်း အိပ်ယာထဲကမထနိုင်လို့ ကျောင်းပျက် ၊ အတန်းမမှန်တော့ စာမရ ၊ စာမရတဲ့လူမမာကို အဖက်မလုပ်ကြတဲ့ ဒီစာသင်ခန်းထဲမှာ ကျွန်မအတော် အထီးကျန်ခံစားခဲ့ဖူးတယ်။ အဲဒီ အထီးကျန်မှုဆိုတဲ့အရာကို ဘယ်သူ့တိုက်တွန်းအကြံပေးမှုတွေမှ မရခဲ့ဘဲ ကျွန်မတွန်းလှန်ခဲ့ပုံကို သမီးလေးကို ပြန်ပြောပြဖြစ်ခဲ့တယ်။

 အထီးကျန်တယ်လို့ ကျွန်မခံစားရတိုင်း ကျောင်းသင်ခန်းစာတွေကို ကျွန်မ အစကနေ ပြန်လှန်ကြည့်တယ်။ တမျက်နှာပြီးတမျက်နှာ နားလည်သထက် နားလည်အောင် အပြန်ပြန်အလှန်လှန်ဖတ်တယ်။ လေ့ကျင့်တယ်။ ကျက်မှတ်တယ်။ နေမကောင်းရင် အိပ်ယာထဲမှာပေါ့။ ကျောင်းမုန့်စားကျောင်းဆင်းချိန်ဆို အတန်းထဲမှာပေါ့။

 သူများတွေ အနားယူချိန် ၊ ကစားချိန်တွေမှာ ကျွန်မက အထီးကျန်မှုကို တိုက်ဖျက်ပြီး စာတွေ ပိုလုပ်ဖြစ်တယ်။ ကျောင်းစာတွေ အကုန်ညက်တော့ ပြင်ပဗဟုသုတရစရာစာအုပ်တွေကို အဖေ့စာအုပ်စင်တွေထဲက ရှာယူဖတ်မှတ်ဖြစ်ပြန်ရော။ ဒီလိုနဲ့ ကျွန်မဟာ ဗဟုသုတ အတော်စုံလာခဲ့တယ်။ ဗဟုသုတဆုံတော့ ကိုယ်နဲ့မတည့်တာတွေကဘာ ၊ ဘာကိုရှောင်လို့ ဘာကိုဆောင်ရမလဲ ၊ ကျန်းမာအောင် ဘယ်လိုနေထိုင်စားသောက်ရမလဲစတာတွေကို ဖတ်မိသိရှိလာတယ်။ အဲဒီအတိုင်းနေထိုင်စားသောက်တော့ ပိုကျန်းမာလာတယ်။ ကျန်းမာလာတဲ့ အဲဒီအချိန်မှာ အတန်းထဲ အဆင့် (၁)၊ (၂) ၊ အနိမ့်ဆုံး(၃)နေရာ အမြဲရပ်တည်နေနိုင်ခဲ့တယ်။

 အရင်က ကျောင်းမမှန် ၊ စာမရတဲ့လူမမာကို အဖက်မလုပ်တဲ့ အတန်းဖော်တွေ ဒီသင်္ချာအပုဒ်ကို ဘယ်လိုတွက်သလဲလာမေးကြတယ် ၊ ဒီအင်္ဂလိပ်စာမေးခွန်းအဖြေမှန် ဘယ်လိုလဲ လာမေးကြတယ်။ ဒါနားမလည်လို့ ၊ ဟိုဟာနားမလည်လို့ လာမေးသမျှ ကျွန်မဒိုင်ခံ ဖြေပေးတော့ သူငယ်ချင်းတွေများလာတယ်။ နေမကောင်းလို့ ကျောင်းမလာဖြစ်တဲ့ သူငယ်ချင်းတွေရဲ့အိမ်ကိုသွား ကျောင်းမှာသင်တဲ့စာတွေကို သူ့စာအုပ်ထဲကူးပေးဖို့ အိမ်ယူလာ ၊ နောက်တနေ့ ကျောင်းမှာ ပြန်ရှင်းပြနဲ့ ကျွန်မမှာ သူငယ်ချင်းများလာတယ်။ ဗဟုသုတစုံတော့ English Essay နဲ့ မြန်မာစာစီစာကုံးတွေဆို မကျက် ၊ မမှတ်ရဘဲ လက်တန်းစပ်စိုပြီး အကိုးအကားတွေပါသုံးလို့ ရေးနိုင်လာတာ အလယ်တန်းကျောင်းသူဘဝကတည်းကပဲ။

 ဒီအကြောင်းကို သမီးကိုပြောပြပြီး သမီးဟာ တခါတရံမှ တစ်ယောက်တည်း အထီးကျန်သလို ခံစာရတာဖြစ်ပြီး ဘယ်သူမှ သမီးကို တမင်ဖယ်ချန်ထားခဲ့တာမျိုးမဟုတ်ကြောင်း ၊ အမေ့လို အပယ်ခံ လူမမာဘဝကနေတောင် ထူးချွန်ပြီး သူငယ်ချင်းတွေအများကြီး ချစ်ခင်အားကိုးမှုခံရအောင် ဘယ်လိုကြိုးစားနေခဲ့ရတယ်ဆိုတာမျိုးကို ရှင်းပြခဲ့တော့ သမီးလေး နားလည်သွားတယ်။ ကျွန်မရဲ့စကားအဆုံးမှာ သူဟာ ပျင်းနေသလိုခံစားရရင် တစ်ယောက်တည်းနေပျော်တတ်အောင်နဲ့ အထီးကျန်သလိုခံစားနေရချိန်မှာ လေ့လာအားထုတ်မှု ပိုလုပ်မယ်လို့ ပြောလာတယ်။

 စိတ်ခံစားမှုတွေကို စိတ်စွမ်းအားအဖြစ် ပြောင်းလဲပစ်လိုက်နိုင်ရင် အကောင်းဆုံးပဲ။

 အဆိုးဆုံးဆိုတဲ့ အခြေအနေတွေထဲကမှ အကောင်းဆုံးတွေဖြစ်လာအောင် လုပ်နိုင်တဲ့သူဟာ ဘယ်လိုအခြေအနေဆိုးကိုမှ ကြောက်မနေတော့ဘူး။ ဘာဖြစ်လို့လဲဆိုတော့ သူတို့ဟာ မှန်ကန်တဲ့ထွက်ပေါက်ဆိုတာကို ဘယ်လိုအခြေအနေမျိုးမှာမဆို ရှာဖွေလုပ်ကိုင်တတ်ကြလို့ဖြစ်တယ်။

 အထီးကျန်တယ်ဆိုတဲ့အတွေးနဲ့  အားငယ်စိတ်တွေဝင်ပြီး ခံစားရတာလည်း ကိုယ်ပါပဲ။ ဒီခံစားမှုကို တွန်းလှန်ပြီး တိုးတက်အောင် ကြိုးစားအားထုတ်နိုင်တာလည်း ကိုယ်ပါပဲ။

 မိမိအတွက် ကိုယ်ကသာ အရှင်သခင် ၊ ကိုယ်ကသာ အဓိက ကြိုးကိုင်နိုင်သူဖြစ်ပြီး မိမိစိတ်ကို တကယ်ခိုင်းစေနေတာ မိမိပါပဲလို့ နားလည်သွားတဲ့တနေ့ တယောက်တည်းလည်း ပျော်ပျော်ရွှင်ရွှင် အောင်အောင်မြင်မြင် ရပ်တည်နေထိုင်နိုင်ပါတယ်။ အဖော်မဲ့မှာလည်းမကြောက် အထီးကျန်မှာလည်း မမှုတော့ဘူးပေါ့။ ဘယ်အခြေအနေမှာမဆို ဒေါင်ကျကျ ပြားကျကျ ရုန်းကန်နေထိုင်သွားနိုင်ပြီလေ။ အဓိက က စိတ်ပါပဲ။

Zawgyi


 ဘာေၾကာင့္ အထီးက်န္ခံစားရၾကသလဲ။ အ႐ိုးရွင္းဆံုးအေျဖက တစ္ဦးတည္း အေဖာ္မဲ့ေနသလို ခံစားရမႈမွာ ထြက္ေပါက္ရွာမေတြ႔ ျဖစ္ေနလို႔ အထီးက်န္တယ္ဆိုၿပီး ျဖစ္ေနၾကတာပါ။ အဲဒီအခ်ိန္မွာ အေဖာ္ အရမ္းလိုအပ္လာတယ္။ ေျဖသိမ့္ေပးမယ့္သူကို ေတာင့္တတယ္။ အနားရွိေစခ်င္သူေတြကို တမ္းတတယ္။ စိတ္ေပ်ာ္ရာ ေပ်ာ္ေၾကာင္းေတြ ေလၽွာက္လုပ္ၾကတယ္။ ဒီအထီးက်န္ခံစားမႈကို ခဏပဲျဖစ္ျဖစ္ ၊ လံုးဝေပ်ာက္သြားေအာင္ပဲျဖစ္ျဖစ္ ႀကိဳးစားေမ့ေဖ်ာက္တတ္ၾကတယ္။

 တကယ္လို႔မ်ား တစ္ဦးတည္း ျဖစ္ေနသလိုလို ၊ ဘက္ပဲ့ေနသလိုလို ခံစားရခ်ိန္မွာ ကိုယ့္အတြက္ စိတ္ဝင္စားစရာေကာင္းမယ့္ တခုခုကိုမ်ား အစားထိုးလုပ္ကိုင္ေနလိုက္မယ္ဆို ငါအထီးက်န္ေနတယ္လို႔ ေတြးဖို႔ အခ်ိန္မရေတာ့ဘူး။ ငါဘယ္လိုအထီးက်န္ခံစားၿပီး ဝမ္းနည္းေနရတယ္လို႔ မခံစားျဖစ္ခဲ့ရင္ အထီးက်န္တယ္ဆိုတဲ့ စကားလံုးဟာ ကိုယ့္အတြက္ျဖစ္မလာေတာ့ဘူး။ ဘယ္သူမွလည္း ကိုယ့္အနားမရွိ ၊ ဘာမွလည္း လုပ္စရာမရွိဘူးဆိုၿပီး ပ်င္းရိေနတာ ၊ အထီးက်န္ခံစားေနတာမ်ိဳးေတြ မျဖစ္ေတာ့ဘူး။

 ကၽြန္မရဲ႕ (၅)ႏွစ္သမီးေလးက ေက်ာင္းကအျပန္တေန႔မွာ ႏွစ္ေယာက္တတြဲ တြဲရတဲ့ ေက်ာင္းဆင္းခ်ိန္မွာ သူ႔ကိုတြဲမယ့္သူမရွိဘူး။ သူသိပ္အထီးက်န္ခံစားရတယ္လို႔ ေျပာလာခဲ့တယ္။ ဒီလိုအျဖစ္မ်ိဳး ႏွစ္ႀကိမ္ကေန သံုးႀကိမ္ေလာက္ျဖစ္လာေတာ့ သူ႔ကိုနားလည္ေအာင္ ေျပာျပဖို႔ အခ်ိန္တန္ၿပီလို႔ ကၽြန္မဆံုးျဖတ္လိုက္တယ္။

 ကၽြန္မ လသားေလးအရြယ္မေရာက္တေရာက္မွာ အဆုတ္ထဲေရဝင္လို႔ဆိုၿပီး အေတာ္ကုခဲ့ရတယ္လို႔ မိသားစုဝင္ေတြက ေျပာၾကတယ္။ အဲဒီကုသမႈ အကင္းေသလား ၊ မေသလား ကၽြန္မလည္း ေဆးေလာကသားမဟုတ္ေတာ့ နားမလည္ဘူး။ ဒါေပမယ့္ ကၽြန္မဟာ အသက္(၁၀)ႏွစ္ေလာက္အထိ အၿမဲလို တေရွာင္ေရွာင္ဖ်ားနာေနတာ အေႏြးထည္ ကင္းကင္းလြတ္တဲ့ရက္ဆိုတာရွားတယ္။ ေခ်ာင္းမဆိုးတဲ့ရက္ဆိုတာလည္းရွားတယ္။ ႏွာမစီးတဲ့ရက္ဆိုတာလည္းရွားတယ္။ ေႏြေခါင္ေခါင္ ဖ်ားတာယူမလား ။ မိုးေအးလို႔ဖ်ားတာယူမလား ။ ေဆာင္းတြင္းမို႔ဖ်ားတာယူမလား။ ေလစိမ္းတိုက္လို႔ဖ်ားတာယူမလား ။

 အိမ္မွာေနလည္းဖ်ား ၊ ခရီးထြက္လည္းဖ်ား ၊ တံတားေပၚက ျမစ္ေတြေခ်ာင္းေတြျဖတ္လည္းဖ်ား ၊ ပင္လယ္ေလခံလည္းဖ်ား ၊ အပူအေအး မမၽွလည္းဖ်ား ၊ နာက္ဆံုး ရာသီဥတုအေျပာင္းအလဲ မိုးေလဝသမၾကည့္နဲ႔ ကၽြန္မသာၾကည့္လို႔ လူႀကီးေတြ ေနာက္ၾကတဲ့အထိ က်န္းမာေရးမေကာင္းတဲ့ ခႏၶာကိုယ္က အၿမဲလိုလို ဖ်ားနာေနေတာ့တာပဲ။ ျခင္ကိုက္တာကေနအစ ကိုယ္လက္ဖူးေယာင္တာအဆံုး ဘာျဖစ္ျဖစ္ ဖ်ားဖို႔ ၊ အိပ္ရာထဲလဲဖို႔ပဲ တာဆူေနခဲ့တဲ့ကၽြန္မ တခါဖ်ားရင္ အနည္းဆံုးတပတ္ နလန္မထူျပန္ဘူး။

 ဒီလို လူမမာကေလးဘဝမွာ အဖ်ားေတြနဲ႔ပဲ အေဖာ္ျပဳခဲ့ရေတာ့ သူငယ္ခ်င္းေတြနဲ႔ ေျပးလႊားကစားရတာမ်ိဳးရွားတယ္။ လူကအဖ်ားရွိန္ နဲ႔ ကိုယ္ခံးအားနည္းလို႔ ၊ ႏွလံုးအားနည္းၿပီး အေမာမခံႏိုင္လို႔ စတာေတြနဲ႔ ကစားတိုင္း ကိုယ္က ပစားေပးအဆင့္ပဲဝင္ရတယ္။

 မေျပးႏိုင္တဲ့ကိုယ့္ကို ဘယ္သူမွ လိုက္ဖမ္းမယ့္သူလည္းမရွိ ၊ ကိုယ္လိုက္ဖမ္းလွည့္ဆိုျပန္ရင္လည္း သူငယ္ခ်င္းေတြေလာက္ မေျပးႏိုင္တဲ့ကိုယ္ဟာ ဘယ္သူ႔မွ ဖမ္းမမိဘဲ ကစားပြဲဟာ ေပ်ာ္စရာမေကာင္းတာေၾကာင့္ သူငယ္ခ်င္းေတြက ကိုယ့္ကို ေျပးခ်င္ေျပး ၊ မေျပးခ်င္ေနဆိုၿပီး ပစားေပးထားခဲ့တာ။ ဒီတာ့ ကိုယ္ဝင္ကစားခြင့္ရသည့္တိုင္ ကစားပြဲတိုင္းမွာ လိုက္ဖမ္းမယ့္သူမရွိတဲ့ကိုယ္ဟာ သူတို႔ကသပ္သပ္ ကိုယ္သပ္သပ္လို ခံစားေနရၿပီး ေဘးကေနပဲ တျခားသူေတြကစားတာ ထိုင္ၾကည့္ျဖစ္ေတာ့တယ္။

 ေနမေကာင္းတိုင္း အိပ္ယာထဲကမထႏိုင္လို႔ ေက်ာင္းပ်က္ ၊ အတန္းမမွန္ေတာ့ စာမရ ၊ စာမရတဲ့လူမမာကို အဖက္မလုပ္ၾကတဲ့ ဒီစာသင္ခန္းထဲမွာ ကၽြန္မအေတာ္ အထီးက်န္ခံစားခဲ့ဖူးတယ္။ အဲဒီ အထီးက်န္မႈဆိုတဲ့အရာကို ဘယ္သူ႔တိုက္တြန္းအႀကံေပးမႈေတြမွ မရခဲ့ဘဲ ကၽြန္မတြန္းလွန္ခဲ့ပံုကို သမီးေလးကို ျပန္ေျပာျပျဖစ္ခဲ့တယ္။

 အထီးက်န္တယ္လို႔ ကၽြန္မခံစားရတိုင္း ေက်ာင္းသင္ခန္းစာေတြကို ကၽြန္မ အစကေန ျပန္လွန္ၾကည့္တယ္။ တမ်က္ႏွာၿပီးတမ်က္ႏွာ နားလည္သထက္ နားလည္ေအာင္ အျပန္ျပန္အလွန္လွန္ဖတ္တယ္။ ေလ့က်င့္တယ္။ က်က္မွတ္တယ္။ ေနမေကာင္းရင္ အိပ္ယာထဲမွာေပါ့။ ေက်ာင္းမုန္႔စားေက်ာင္းဆင္းခ်ိန္ဆို အတန္းထဲမွာေပါ့။

 သူမ်ားေတြ အနားယူခ်ိန္ ၊ ကစားခ်ိန္ေတြမွာ ကၽြန္မက အထီးက်န္မႈကို တိုက္ဖ်က္ၿပီး စာေတြ ပိုလုပ္ျဖစ္တယ္။ ေက်ာင္းစာေတြ အကုန္ညက္ေတာ့ ျပင္ပဗဟုသုတရစရာစာအုပ္ေတြကို အေဖ့စာအုပ္စင္ေတြထဲက ရွာယူဖတ္မွတ္ျဖစ္ျပန္ေရာ။ ဒီလိုနဲ႔ ကၽြန္မဟာ ဗဟုသုတ အေတာ္စံုလာခဲ့တယ္။ ဗဟုသုတဆံုေတာ့ ကိုယ္နဲ႔မတည့္တာေတြကဘာ ၊ ဘာကိုေရွာင္လို႔ ဘာကိုေဆာင္ရမလဲ ၊ က်န္းမာေအာင္ ဘယ္လိုေနထိုင္စားေသာက္ရမလဲစတာေတြကို ဖတ္မိသိရွိလာတယ္။ အဲဒီအတိုင္းေနထိုင္စားေသာက္ေတာ့ ပိုက်န္းမာလာတယ္။ က်န္းမာလာတဲ့ အဲဒီအခ်ိန္မွာ အတန္းထဲ အဆင့္ (၁)၊ (၂) ၊ အနိမ့္ဆံုး(၃)ေနရာ အၿမဲရပ္တည္ေနႏိုင္ခဲ့တယ္။

 အရင္က ေက်ာင္းမမွန္ ၊ စာမရတဲ့လူမမာကို အဖက္မလုပ္တဲ့ အတန္းေဖာ္ေတြ ဒီသခ်ၤာအပုဒ္ကို ဘယ္လိုတြက္သလဲလာေမးၾကတယ္ ၊ ဒီအဂၤလိပ္စာေမးခြန္းအေျဖမွန္ ဘယ္လိုလဲ လာေမးၾကတယ္။ ဒါနားမလည္လို႔ ၊ ဟိုဟာနားမလည္လို႔ လာေမးသမၽွ ကၽြန္မဒိုင္ခံ ေျဖေပးေတာ့ သူငယ္ခ်င္းေတြမ်ားလာတယ္။ ေနမေကာင္းလို႔ ေက်ာင္းမလာျဖစ္တဲ့ သူငယ္ခ်င္းေတြရဲ႕အိမ္ကိုသြား ေက်ာင္းမွာသင္တဲ့စာေတြကို သူ႔စာအုပ္ထဲကူးေပးဖို႔ အိမ္ယူလာ ၊ ေနာက္တေန႔ ေက်ာင္းမွာ ျပန္ရွင္းျပနဲ႔ ကၽြန္မမွာ သူငယ္ခ်င္းမ်ားလာတယ္။ ဗဟုသုတစံုေတာ့ English Essay နဲ႔ ျမန္မာစာစီစာကံုးေတြဆို မက်က္ ၊ မမွတ္ရဘဲ လက္တန္းစပ္စိုၿပီး အကိုးအကားေတြပါသံုးလို႔ ေရးႏိုင္လာတာ အလယ္တန္းေက်ာင္းသူဘဝကတည္းကပဲ။

 ဒီအေၾကာင္းကို သမီးကိုေျပာျပၿပီး သမီးဟာ တခါတရံမွ တစ္ေယာက္တည္း အထီးက်န္သလို ခံစာရတာျဖစ္ၿပီး ဘယ္သူမွ သမီးကို တမင္ဖယ္ခ်န္ထားခဲ့တာမ်ိဳးမဟုတ္ေၾကာင္း ၊ အေမ့လို အပယ္ခံ လူမမာဘဝကေနေတာင္ ထူးခၽြန္ၿပီး သူငယ္ခ်င္းေတြအမ်ားႀကီး ခ်စ္ခင္အားကိုးမႈခံရေအာင္ ဘယ္လိုႀကိဳးစားေနခဲ့ရတယ္ဆိုတာမ်ိဳးကို ရွင္းျပခဲ့ေတာ့ သမီးေလး နားလည္သြားတယ္။ ကၽြန္မရဲ႕စကားအဆံုးမွာ သူဟာ ပ်င္းေနသလိုခံစားရရင္ တစ္ေယာက္တည္းေနေပ်ာ္တတ္ေအာင္နဲ႔ အထီးက်န္သလိုခံစားေနရခ်ိန္မွာ ေလ့လာအားထုတ္မႈ ပိုလုပ္မယ္လို႔ ေျပာလာတယ္။

 စိတ္ခံစားမႈေတြကို စိတ္စြမ္းအားအျဖစ္ ေျပာင္းလဲပစ္လိုက္ႏိုင္ရင္ အေကာင္းဆံုးပဲ။

 အဆိုးဆံုးဆိုတဲ့ အေျခအေနေတြထဲကမွ အေကာင္းဆံုးေတြျဖစ္လာေအာင္ လုပ္ႏိုင္တဲ့သူဟာ ဘယ္လိုအေျခအေနဆိုးကိုမွ ေၾကာက္မေနေတာ့ဘူး။ ဘာျဖစ္လို႔လဲဆိုေတာ့ သူတို႔ဟာ မွန္ကန္တဲ့ထြက္ေပါက္ဆိုတာကို ဘယ္လိုအေျခအေနမ်ိဳးမွာမဆို ရွာေဖြလုပ္ကိုင္တတ္ၾကလို႔ျဖစ္တယ္။

 အထီးက်န္တယ္ဆိုတဲ့အေတြးနဲ႔  အားငယ္စိတ္ေတြဝင္ၿပီး ခံစားရတာလည္း ကိုယ္ပါပဲ။ ဒီခံစားမႈကို တြန္းလွန္ၿပီး တိုးတက္ေအာင္ ႀကိဳးစားအားထုတ္ႏိုင္တာလည္း ကိုယ္ပါပဲ။

 မိမိအတြက္ ကိုယ္ကသာ အရွင္သခင္ ၊ ကိုယ္ကသာ အဓိက ႀကိဳးကိုင္ႏိုင္သူျဖစ္ၿပီး မိမိစိတ္ကို တကယ္ခိုင္းေစေနတာ မိမိပါပဲလို႔ နားလည္သြားတဲ့တေန႔ တေယာက္တည္းလည္း ေပ်ာ္ေပ်ာ္႐ႊင္႐ႊင္ ေအာင္ေအာင္ျမင္ျမင္ ရပ္တည္ေနထိုင္ႏိုင္ပါတယ္။ အေဖာ္မဲ့မွာလည္းမေၾကာက္ အထီးက်န္မွာလည္း မမႈေတာ့ဘူးေပါ့။ ဘယ္အေျခအေနမွာမဆို ေဒါင္က်က် ျပားက်က် ႐ုန္းကန္ေနထိုင္သြားႏိုင္ၿပီေလ။ အဓိက က စိတ္ပါပဲ။











-------------------------------------------------------------------------------------------------------
တစ္ေန႔ေန႔တစ္ခ်ိန္ခ်ိန္ ကြ်န္ေတာ္လူ႔ေလာကႀကီးကေနထြက္ခြာသြားတဲ႔အခါ ကြ်န္ေတာ္သိတဲ႔ ပညာေတြဆက္လက္ရွင္သန္ၿပီးလူ႔ေလာကအတြက္ အက်ဳိးျဖစ္ထြန္းေစခ်င္ပါတယ္ စိတ္ခ်မ္းသာ ကိုယ္က်န္းမာၾကပါေစ